شعر محلی مازندرانی
لاويج
عَجب لِطفُ صفايي دارنه لاويج عجب آب وهوايي دارنه لاويج
صفا دارنهِ وِآبشارِ حرام او چي خار هَسّهِ وِ نِه لاروُ گرم او
چَنِِّه خارِ، وِ فيلِ سَنگيِ وَر نومِه هرازِ پَلي؛ پي نِمازِ سَر
بِهشت هَسّهِ سيلِم و كِنس كِبن سوردار بَن و جنگلِ ليلهِ بِن
خدا دِنِّه چي خارِ اسيونَگ اِسپِه سَنگ و پَلنگ دَرّه و تارنَگ
ماري خِمَنّ و حَسليمَه يِ گِردَن پلِيم كِتي و سبزَ جاري خِمَن
نَووّنه چَنِّه خارِ ايزوا كوه و نِه گِل و گياهِ بكِّه بو
لِسب و قِلقِ چالِ درّهِ او زِغاره و ميرخِمَنّ و مَرزمي لو
تَمومِ مازرون ازپي قِلا ديارِ وِ پي نِماز سَر نووّنهِ چَنّهِ خارِ
وِ سوردارِ سو مثِّ ستاره مونّهِ وِ نهِ آسِمون مثِّ آيِنهَ مونّهِ
بِهار و تاوِسِّن چي خارِ لاويج تاوِسِّن هَم مثِّ بِهارِ لاويج
بِهارِ ما پِر از گِلزارِ لاويج هَمه جا مَشتِ لالِه زارِ لاويج
دکتر صفر یوسفی
این وبلاگ با نگاهی انتقادی به پیامدهای منفی گردشگری در دهستان لاویج می پردازد. پیامدهایی همچون تغییر هویت فرهنگی - تخریب محیط زیست - از بین بردن اتحاد و همبستگی محلی و طایفه ای و .....